2019年12月30日 星期一

〖巴塞隆拿。觀光〗《Parc Güell》-超好拍!建築攝影愛好者必訪

二零一九年六月十九日

如果你係建築愛好者,巴塞一定唔會令你失望。今日嚟到Gaudi其中一個作品Parc Güell,為咗慳每人十歐入場費,我哋倒屎咁早起身,落左的士分秒必爭地全力跑,成功八點前進入園區,真係一額汗,要知道去到先爭少少係幾咁揼心。

雖然我地好似好早到,但收費區內已有唔少人聚集影緊相,到我地離開時更加開始有旅行團陸續抵達,所以都係建議大家早啲出發,影靚相嘅機會大增。

場內有好多地方都值得一覽,五顏六色嘅馬賽克、特色糖果屋、花花牆、蜥蜴公仔等等,天氣好點影都勁靚,依家睇返啲相都覺得好開心好值得。

玩到九點半左右唔餓得嘅朋友們嗌曬救命,立即跳上的士醫肚去。


2019年12月20日 星期五

【太子】《Chapter 3 Steak Bar & Restaurant》-不能忘記

二零一九年十二月十二日

這半年的日子過得似快還慢,由初夏走到寒冬,經歷過多少個無眠晚上、臉上流過多少淚痕,一切一切未敢忘記,不能忘記。

是日和好友來到太子附近喝一杯,店家樓底高不焗促,牆上有不同主題的壁畫做裝飾,電視上播著球賽,燈光調較得剛好有情調,坐得舒適。

Phoenix Sunrise/ Blue Diamond $82@
來到酒吧怎能不喝一杯,前者以芒果作主調,後者則以荔枝入饌,用高身杯盛上感覺夢幻,酒味不重,打咭一流。

Dorritos w/ dip $40
甫坐下店員便送上送酒小食,是個人十分喜愛的Dorritos,無限任添,加上沾醬更惹味。

煙三文魚他他牛油果魚子沙律 $98
略帶調味的煙三文魚釀進牛油果殼內,牛油果慕絲口感幼滑,美味又有創意。

羅勒雞扒長通粉 $78
意粉、醬汁以及配料皆是自選,配搭多變。個人對pesto總有莫名喜愛,覺得它和雞肉味道合拍,長通粉端出來時仍是冒煙的加了不少分數,簡單味美。

炭燒澳洲肉眼扒14Oz $198
以木砧板盛上的肉眼厚身、份量十足,點來的五成做得到位,肉汁多又軟稔,不過肉味略淡,蘸上醬汁比較好;配上的薯條和菜蔬倒做得出色,一件不留通通吃清光。

值得一提的是這裡的店員十分attentive,會留意到你需要,主動添小食又遞上餐巾,十分細心。

《Chapter 3 Steak Bar & Restaurant》
地址:太子花園街232至242號地下
電話:2386 1832

2019年12月4日 星期三

【尖沙嘴】《蜜庵本膳》-願

二零一九年十月十五日

今年的生日實在沒心情慶祝,但生活還是要過,感謝同房特意相邀,趁機會交流一下近況。

原來屬意的小店已滿座,幸好有兩手準備,轉場來到赫德道的另一家。閒日晚上排了大約二十分鐘,兩個人被安排至面壁高桌,自成一角,以原木為主的裝潢有日系小清新的感覺,樓底高令燈光有點四散。

和王牛漢堡丼 $158
上桌時蛋黃已失足墮下,本想嘗試放回但失敗。牛肉頗有肉香,帶照燒汁的香氣,配著香軟有飯味的珍珠米同吃令人滿足。

海膽和風卡邦尼烏冬 $168
烏冬彈牙,醬汁不多不少的裹在上面,煙腩片焦香不過鹹,肉味濃有驚喜。

鮮果開心 $138
班戟一疊六塊size迷你,兩人做飯後甜品輕鬆完成無難度。用米粉所做的班戟鬆軟有蛋香,重點是面頭的開心果忌廉,由意大利西西里島開心果醬打成,味道天然濃厚,幼滑得像雪糕,好吃得點清光。

整體擺盤精美、餐碟具質感,食材配搭新穎有創意,加上不少食品都是產地直送,是吃得出的好味道。

今年的生日願望獻給香港。

《蜜庵本膳》
地址:尖沙咀赫德道8號地下A號舖
電話:2461 0888