二零二零年八月二十三日
佳節將至，幫好友個果籃做資料搜集，出深水埗睇下懷舊豬籠餅依家賣幾錢。好耐無食越南嘢，可惜去到小店門外有一小人龍，趕時間唯有轉場。行過兩三個舖位見到依間新開光猛企理嘅小店，有半幅植物牆帶出清新感，咁啱唔使等就入去試下。
大啡菇芝士自家製牛肉漢堡配番薯條 $88
侍應話漢堡係依度招牌，用砧板上好大份，原隻大啡菇拮喺上面，未食先興奮。漢堡扒係舖頭自己打，有牛味之餘肉汁亦多，黑色包身搽咗牛油烘香，加上portobello、芝士、蕃茄、生菜同自製醬汁，口感豐富；另外伴上嘅厚切蕃薯條香脆香甜，整體食得滿足。
侍應話漢堡係依度招牌，用砧板上好大份，原隻大啡菇拮喺上面，未食先興奮。漢堡扒係舖頭自己打，有牛味之餘肉汁亦多，黑色包身搽咗牛油烘香，加上portobello、芝士、蕃茄、生菜同自製醬汁，口感豐富；另外伴上嘅厚切蕃薯條香脆香甜，整體食得滿足。
70度慢煮混醬西班牙叉燒煎蛋飯 $65
西式黯然銷魂飯，半肥瘦叉燒軟腍有油香，入口融化又有豬味，加埋甜甜醬汁，好好餸飯。
西式黯然銷魂飯，半肥瘦叉燒軟腍有油香，入口融化又有豬味，加埋甜甜醬汁，好好餸飯。
芝士焗西蘭花 +$20
本來只志在食啲菜，點知個芝士汁好香濃，細細份有少少唔夠喉。
跟餐仲有湯/沙律同飲品，疫情關係太耐無出街食飯，成個體驗令人愉悅，原來可以坐喺餐廳享受一頓都係一件得來不易、值得珍惜嘅事。
《Romanne Leisure Food Concept》
地址：深水埗荔枝角道309號地舖
電話：2617 6866
