二零一八年十一月八日
抱住一個購物心情去首爾真係唔會令你失望！同好友朝早去完觀光，夜晚必定要狂行街。話說我仲特登帶左運動衫諗住落gym，但每一日都早出晚歸沖完涼都已經攰到趴喺度，只可以講少年我真係太年輕了哈哈。
韓國襪仔款式多又可愛，著得舒服，基本上經過見到睇啱就買，送禮自用皆宜。
鐘意生活百貨、文具貼紙就推薦Daiso，明洞分店樓高五六層，每一樣都睇到我心心眼，尋寶咁行到人哋關門都唔願走。
喺風雨下托到我哋死加hand carry嘅水果原來唔好食，明明同一抽香印，但唔係粒粒都有嗰種獨特香味，內藏山柿嚡嚡澀澀，喺酒店出面買嗰啲柑叫做唔錯；不過整體韓國水果都係伏。
少不了唔同零食，薯片呀餅呀曲奇呀，食得同事們好開心。
仲有衫褲耳環首飾面膜化妝品等等，梨大弘大比較合意，東大門就似香工，用心睇實有啱，見好友買得開心我又買埋一份，買買買好開心呢！
二零一九年二月十五日
經過聖誕同新年一輪暴食後，望住自己體重節節上升塊面越來越圓，決定的起心肝減少食無謂食物，希望脹卜卜情況唔會持續落去。奈何我班好同事永遠有我心，見到有新出甜筒下午茶預埋我一份，盛情難卻，食左先算:P
港式奶茶甜筒 $11@| $20/2
甜筒包裝設計用心，有茶餐廳味道；雪糕奶味重，茶味有但未算香濃，同之前限定口味一樣，個筒超級香脆，加左好多分。
可能食過其他品牌嘅奶茶味比較出色，依一支就相形見拙了，考慮埋個價錢就不過不失啦，上次個芝士奶蓋烏龍茶口味有驚喜啲～
各大便利均有代售
二零一九年二月十四日
兩星期前開玩笑的問好友情人節可有空一起晚飯，怎料她爽快答應，還主動問我要不要嚐嚐她手勢，這般幸福的機會怎能不立即抓緊！？遂自薦帶甜品上去好讓她煩少一樣。
早在社交網站留意到不少熱愛烘焙的有心人，要從網上世界走到實體商店並不容易，有機會光顧以示支持。小店位於工廠區內，不熟路的我花了少許時間找那大廈入口。工場提供少量現貨發售，目測款式並不齊全，有心儀的還是預早告知店主好讓他們預備。
The Moon $32、黑點子 $36、雲海 $32
適逢情人節，當日供應款式比平日少；三款撻皮薄香脆，牛油味香之餘亦帶點點杏仁味道；好友最喜歡的是清香的檸檬口味，不過我略嫌面頭蛋白馬令有少許蛋腥。
更得我心的是那朱古力棉花糖撻，棉花糖口感特別，配上濃郁甘苦的朱古力十分合襯；而剩下的黑芝麻味濃，加上煙韌麻糬內餡像極中式湯圓，相對有趣。
試過三款也覺頗有水準，雖有其他口味想嚐，不過地點對我而言不就腳，不知要等到何年何月才會再來，有緣再會。
《Bakerie.C》
地址：觀塘興業街14號永興工業大廈6樓C9A
電話：6697 3403
網頁：https://sites.google.com/view/bakeriec/menu?authuser=1
二零一九年二月六日
以往想吃南記，總得要到乘車到港島。自第二代接手將品牌改革後，南記形象鮮明了裝潢光鮮了，同時積極擴展業務，九龍新界區分店越開越多，萬萬也想不到它會更進一步打入地鐵商場，在青衣城設置分店，對於喜愛南記的我實在是一大福音。
新店裝潢以黑色為主，加入不少玩味元素，如原架單車、霓虹燈裝飾、香港特色壁畫等；檯凳雖然排得頗密，但樓底高感覺不焗促。
招牌辣豬肉春卷小窩米線(蕃茄湯) $51
招牌春卷以腐皮包著魚肉再炸，口感略帶煙韌；而辣豬肉滷得入味，鬆軟不肥膩，兩者皆是外面吃不到的味道，討喜，惟整體米線份量好像較其他分店少，夾兩夾便見底。
要在這多變的環境中求存絕不容易，欣賞它與時並進、革新之餘亦不忘初心，努力保持傳統味道。以後落樓便能吃到南記，多高興。
《香港仔南記粉麵》
地址：青衣青敬路33號青衣城一期地下G15 G16舖
電話：2469 8122
二零一九年二月十二日
年多前曾到訪夏威夷，經過大街小巷都不難發現Acai Bowl的蹤影，大熱天時吃一碗的確舒暢。此物在香港漸漸流行，是日趁著運動前和好友嚐新去。
踏進門口首先留意到的是一大幅粉紅色花花牆，前面豎著一隻熊公仔，牆身掛上不同產品的圖片簡介，糖果配色加上一排高身檯凳，檯頭放上一棵假植物裝飾，少女心爆發。
Bear's Acai Bowl $78
下單後大約五分鐘製成，成品色彩繽紛，木製盛碗上既環保又吸引。冰底以巴西莓、香蕉、梨、奇亞籽、椰子奶和腰果醬打成，吃下非常幼滑，帶有滿滿果香，混合面頭的士多啤梨、藍莓、香蕉、椰子片、南瓜籽和燕麥脆，吸睛之餘口感更是豐富。
用訂座app訂座指定時段有半價優惠(個人推薦碼:eati4upl)，計起來好划算。不過邊吃邊感受到身體熱能流失，還是待天氣沒這麼冷再來。
《Bear's Lab》
地址：中環士丹利街50號信誠廣場地下F舖
電話：2702 0802
二零一八年十一月二十八日
黑糖嘜嘜嘜都興左一排，但要排長龍用兩個鐘先飲到真係好味都變唔好味，所以一直都無動力去試。早兩日同事蠱蠱惑惑咁話買左嘢俾我，然後三點三拎左杯老虎堂出嚟勁驚喜又好有愛。
波霸厚鮮奶(含奶霜) $30
買完無即刻飲所以啲虎紋掛杯已沉底，一啜焦糖味好香濃，雖然無得揀甜度但唔會死甜，奶味香濃順滑，珍珠煙韌度啱啱好，有咬口得嚟仲帶有陣陣黑糖香，確係有啲料到！
《老虎堂》
地址：油麻地白加士街70號號地下E舖
電話：9257 0904
