【Staycation】港島海逸君綽酒店：行政套房

二零二二年十二月二十五日

對於住酒店並不熱衷，甚至厭惡的另一半來說，早在個多月前安排好聖誕節去staycation，可算是跨出一大步。及後才得知原來他串通好友，給了我一個大驚喜，現在回想起，心裡仍是感動。

翌日睡醒映入眼簾的是轉角位二百七十度的海景，回過神來好好參觀房間，房間有一客廳和飯廳，有微波爐、煮食爐和洗手盆。

浴室最正的部份是那對著海景的浴缸，不過有少少潔癖又不想浪費水的我最後還是沒有享用到。

另一半滿滿的心意，完全收到了。

【Staycation】港島海逸君綽酒店：海景客房

二零二二年十二月二十五日

另一半早在個多月前暪著我安排好聖誕節去staycation，甚為驚喜窩心。一時多抵達後原想先放低行李，怎料房間已預備好，安排在37樓的主題樓層，一踏出升降機已是見到不少隱藏裝飾，十分可愛。

房間比想像中小，擺設用色有點老派，望東九龍維港景色，優美怡人。靠窗處有一不能移動的矮身櫃，如把其除掉相信空間感會大好多。

浴室用上透明玻璃，設有浴缸可浸浴，乾淨明亮。

而是主題房的關係，無論牆身、玻璃、掛畫都有Miffy的影子，起初沒預期的我倆覺得有點古怪，不過越望越得意，自己都覺得自己多了份童真哈哈。

【西貢】《Cafe WM》-簡單隨性

二零二二年十月六日

是次入住酒店的套票包了晚餐，在酒店西餐廳內享用。餐廳裝潢隨性，開放式廚房，加上橙色銀色的檯櫈，感覺像極大學裡的canteen，沒甚格調，我和伴侶都笑翻。

麵包籃

麵包端上時是溫熱的加分，切片法包比較乾，其餘恰如其分，配上牛油還是可以。

松葉蟹膏蟹肉沙律

成品有幾朵食用花作擺盤，好有夏日氣息。蟹肉絲味道鮮甜，帶點鹹鹹的海水味。

風乾火腿甜瓜芝士沙律配黑醋汁

用火腿包裹著香軟的mozzarella芝士，味道甘香不過鹹，加上微酸的黑醋汁，美味。

牛肝菌松露忌廉湯

湯菇菌味香濃，吃到打碎的蘑菇；臨尾drizzle上面的是純香橄欖油，加添一份油潤感。

炭燒特級澳洲西冷牛扒

牛扒比較薄，望個樣都覺得一般，食落質素普通，不柴但也沒甚油香，和「特級」有點距離，窩在底下的蔬菜倒是香甜。

燒紐西蘭羊鞍配迷迭香燒汁

羊鞍有三件，煎得香口，肉質軟稔；以法式燉菜墊底，中規中矩。

香蕉拖肥意大利芝士撻

本身喜愛banoffee pie，這就像一個變奏版，牛油撻皮香脆，火灸過的香蕉香甜好吃。

可能沒太大期望，食物質素比想像中好，但如要收取正價則不會考慮，其他裝潢、service等配套皆配合不了。

《Cafe WM》

地址：西貢惠民路28號WM酒店LG樓

電話：2196 6388

【Staycation】西貢WM Hotel：臨海渡假風酒店-自助早餐篇

二零二二年十月七日

自助早餐每節一小時，有少少趕，似以前跟團感覺，食到四十五分鐘會有職員通知，想嘆吓應該無可能。

食物方面選擇豐富，西式煎蛋炒蛋腸仔火腿沙律漢堡扒焗豆薯餅，中式粥品粉麵點心，仲有水果、麵包、蛋糕、酥餅等等。

不過拎穀類早餐嗰個位完全敗筆，高筒設計好難轉落嚟，轉到又不受控地跌好多，啲人又接唔住，最後浪費咗好多食物:(

【Staycation】西貢WM酒店：超靚景無邊際泳池

二零二二年十月六日

下午一點幾趁大家未check in上泳池參觀一下，喺健身房旁邊搭升降機，一出去立即俾個景吸引住：蔚藍嘅天空，藍藍綠綠嘅海，矮矮地嘅啡白小別墅，超級有渡假感！

泳池深1.3米，比想像中大，長L型打卡位滿滿，轉彎後羣山映入眼簾，有山有海，令人感動。

疫情關係泳池要預約，而每一節有一個半鐘頭玩，時間足夠，盡興而歸。

【Staycation】西貢WM Hotel：臨海渡假風酒店-設施篇

二零二二年十月六日

第一次來到這酒店，四處閒逛一下。酒店暫時有三間餐廳：自助餐、輕鬆氛圍的泰菜和以體育活動為主題的西菜。

酒店中庭有間小小的玻璃屋，可以在內舉行婚禮儀式，不過美中不足的是外面是行人路，如果起高半層至一層應該做到海天一色的感覺。

令我最意想不到係酒店內有一間小型超市，上至紅酒火腿，下至零食雪糕，仲有游泳用品防曬等等，應有盡有。

雖然大部份物品都可以在市中心買到，但唔使行，來回慳返三十分鐘腳程，非常方便。