【沙田】《Y pasta》-發掘香港意想不到的一面

二零二五年一月二十五日

趁著另一半放假到新開幕的西沙GO PARK湊湊熱鬧，回程時順道在沙田吃個晚飯才歸去。近日喜歡跟著某著名YouTuber遊玩飲食，有時候的確發掘到香港意想不到的一面。

香草焗雞翼 $78

一客六件的雞翼胖乎乎又熱辣辣，帶有淡淡的香草味，令我回憶起中學時代小賣部的味道。

熱浪伏特加脆煙肉長通粉 $138

不知是否面頭芝士的源故，意粉端上來時有一陣不討好的味道，頗為逗趣；長通粉煮得彈牙，口感一流，醬汁不算香濃，可能配料不多的關係，吃著吃著有點寡。

QB明太子帆立貝意粉 $168

意粉同樣烹調得有咬口，明太子汁醬濃稠，不多不少掛在麵條外面；帶子大隻鮮甜，吃得滿足。

整頓能留下記憶點的好像沒有，未必會再訪。

《Y pasta》

地址：沙田橫壆街1-15號好運中心3樓3080號舖

【葵芳】《牧羊少年咖啡館》-失而復得，倍感珍惜

二零二二年十二月九日

近日得知牧羊少年可以原址重開，心裡暗自高興，因早前臨別秋波之際再訪，吃得驚喜滿意，如今失而復得，將來會倍感珍惜。

韓式洋釀雞翼 $68

雞翼五大隻，炸得香脆熱辣辣，表面裹上的醬汁辣中帶甜，加上杏仁片多一份脆脆口感，各方面都恰到好處。

千島海鮮薄餅 $138

入座時見這薄餅的出現率最高，一於不執輸也來一客。菜單上有簡介薄餅餅底的由來，厚薄適中，焗起新鮮熱辣，面頭配料多口感豐富，一人半個也不膩。

日落巴黎：朱古力香蕉窩夫 $108

點主食時刻意節制，為的就是要吃窩夫做甜品。朱古力窩夫一客四件香噴噴，食落有蛋香，加上剛熟的香蕉，整件事絕對錯不了。

記得開業初期也有試過一次，印象平平，相比下真的進步很多，驚喜開心。

《牧羊少年咖啡館》

地址：葵芳興寧路12號葵青劇院地下2號舖

電話：2439 5669

【西貢】《Cafe WM》-簡單隨性

二零二二年十月六日

是次入住酒店的套票包了晚餐，在酒店西餐廳內享用。餐廳裝潢隨性，開放式廚房，加上橙色銀色的檯櫈，感覺像極大學裡的canteen，沒甚格調，我和伴侶都笑翻。

麵包籃

麵包端上時是溫熱的加分，切片法包比較乾，其餘恰如其分，配上牛油還是可以。

松葉蟹膏蟹肉沙律

成品有幾朵食用花作擺盤，好有夏日氣息。蟹肉絲味道鮮甜，帶點鹹鹹的海水味。

風乾火腿甜瓜芝士沙律配黑醋汁

用火腿包裹著香軟的mozzarella芝士，味道甘香不過鹹，加上微酸的黑醋汁，美味。

牛肝菌松露忌廉湯

湯菇菌味香濃，吃到打碎的蘑菇；臨尾drizzle上面的是純香橄欖油，加添一份油潤感。

炭燒特級澳洲西冷牛扒

牛扒比較薄，望個樣都覺得一般，食落質素普通，不柴但也沒甚油香，和「特級」有點距離，窩在底下的蔬菜倒是香甜。

燒紐西蘭羊鞍配迷迭香燒汁

羊鞍有三件，煎得香口，肉質軟稔；以法式燉菜墊底，中規中矩。

香蕉拖肥意大利芝士撻

本身喜愛banoffee pie，這就像一個變奏版，牛油撻皮香脆，火灸過的香蕉香甜好吃。

可能沒太大期望，食物質素比想像中好，但如要收取正價則不會考慮，其他裝潢、service等配套皆配合不了。

《Cafe WM》

地址：西貢惠民路28號WM酒店LG樓

電話：2196 6388

【西貢】《Warm Bread》-溫飽溫暖，撫慰人心

二零二二年十月七日

出發西貢前已找來了數家餐廳要嚐新，在網上查好營業時間，興致勃勃前往，怎料剛好遇上男店主身體抱恙店休，隔天離開西貢前無論如何也要一嚐。

泰式冬蔭功班尼迪克蛋 $128

成品色彩鮮明，醃漬過的watermelon radish甜甜酸酸，和冬蔭功荷蘭醬互相呼應；兩隻蛋都做到流心效果，加上不過鹹的煙三文魚，口感更豐富。唯一挑剔的是彎形碟雖淺但小，切起上來不就手，有點狼狽。

南瓜海鮮濃湯配香烤酸種吐司 $138

湯底用爆香過的蝦頭熬出，在開房式廚房內一路烹煮，香味一路傳出，令人更期待。南瓜湯海鮮味濃郁，比想像中稀，伴上的自家製酸種吐司脆身，感覺無添加。

忙碌的店員見我們自備了生日牌，走過來輕聲地說了一聲生日快樂，親切窩心。人大了，生日不再想舖張，做什麼、吃什麼，都不太重要，有所愛的人在身邊就足夠。

《Warm Bread》

地址：西貢市場街9號地舖

電話：從缺

【荃灣】《素年》-清爽消暑

二零二二年九月十七日

行完大城石澗饑腸轆轆，和吃素的好友下車後直奔餐廳，星期六兩點半去到可以直入，比想像中少人。

小店樓底高，空間感十足，純白的裝潢簡潔明亮。我們二人被安排至窗邊位置，座位透入自然光，舒服自在。

菠蘿莎莎墨西哥薄餅 $108

菜單好幾個選項都向我招手，最後選來未吃過的tacos，以impossible meats配上新鮮菠蘿製成的莎莎和泰式自家製辣醬，吃下口感豐富，非常清爽消暑；伴而在旁的烤蔬菜亦香甜，食得滿足。

夏日墨西哥牛油果飯碗 $118

由純素酸忌廉至到芒果莎莎也是自家製作，吃食物的原型感覺更健康。

《素年》

地址：荃灣三陂坊20號地舖

電話：5296 9864

【西貢】《Little Cove Espresso》-美味用心Open Sandwich!

二零二一年十一月二十六日

是日天朗氣清，行完破邊洲、撿豬灣後決定食個靚女late lunch，揀咗一直都想試嘅Little Cove。小店人氣高企，基本上每次經過都要排隊，下晝三點左排咗大約十分鐘算是幸運，我哋入座後同樣人龍不絕。

Chocolate Beetroot Latte $38

另一半最鍾意試古靈精怪產品，見到紅菜頭朱古力咁有特色就叫咗嚟試。成品啡紅色，飲落有丁點紅菜頭味，係一杯好味嘅朱古力奶。

Pulled Pork Benedict $120

本身唔算好鍾意Pulled pork，覺得似煲湯肉，好彩依度嘅唔太嚡，燒烤醬調味得宜，流心蛋汁令成個口感更濕潤。

Chicken and Hazelnut Dukkah on Sourdough $110

原本諗住補充一下蛋白質而叫嘅雞胸，估唔到咁有驚喜。雞肉孜然、芫茜等香料味濃，肉質嫩滑，加上鹹香feta同rocket，成個口感好豐富，滿滿中東異國風情，食到最後仍然覺得美味滿足。

離開時已默默盤算住要再訪，期待！

《Little Cove Espresso》

地址：西貢海旁廣場兆日樓地下1-2號舖

電話：從缺

【青衣】《Beans The Rambler》-抓緊信念

二零二一年六月二十四日

世界變化之快實在令人始料不及，或者係自己太天真，無諗過失去蘋果依一個會嚟得咁突然。幸運的喺阿布泰遇到報紙返貨，喺最後一個出版日買咗份邊食邊睇。

自從Beans開咗之後成為我同家人食晏首選，喜歡其柔和木系裝潢，採光度十足，令人感覺精神奕奕，不過中午時段多數要等位，要預留少少時間排隊。

黑松露薯條 +$25

薯條新鮮炸起、金黃香脆，落夠鹽，唔點個黑松露沙律醬都好味。

肉醬溫泉蛋長通粉 $62

長通粉份量多、煮得彈牙，汁醬蕃茄味道香濃微酸，放得慷慨，可惜我唔係醬汁愛好者，食到最後剩返碗濃湯咁，好似有少少浪費。

煙燻雞胸紅藜麥意大利飯 $78

面頭煙燻雞胸煎得金黃，加埋少少香草裝飾，望落吸引。意大利飯煮得creamy有奶香，加入紅藜麥自我感覺健康之餘亦更有咬口，另外飯入混入咗雞肉、洋蔥同菇，好豐富好味。

Cheese +$25

餅櫃裡面擺放咗幾款蛋糕，今次試下芝士嗰款，外型夠晒可愛。蛋糕有芝士同檸檬皮嘅清香，唔會過甜，連平日唔多食蛋糕嘅爸爸都分咗一半，不過我都係覺得拿破崙驚艷啲。

黑暗的日子終會過去，在此之前請務必好好照顧自己。

《Beans The Rambler》

地址：青衣城2期2樓222號舖

電話：2690 2222

【荃灣】《Honbo》－開懷暢聚

二零二零年十月八日

喜歡閒日去南豐紗廠，人少又有特色。好友放假同我食生日飯，今次揀咗曾被評為全球最佳漢堡、亦係香港唯一一間榜上有名嘅小店，好奇係咪真係咁好食。

Cheese Burger $88

麵包似brioche，軟身鬆軟有牛油香，patty煎得香口，肉味略遜。

Fried Chicken Burger $88

相對下炸雞漢堡更有驚喜，雞肉香脆juicy，入味唔肥膩，加上特製蛋黃醬，惹味高質。

Fries (+$25)

薯條金黃香脆，兩人分享一份剛好。

吃畢覺得的確唔錯，但你問我係咪食過最好味嘅burger又唔敢講，畢竟依樣肥仔comfort food好多地方得整得好食。不必執著，在此再次謝過好友，感激一直有你。

《Honbo》

地址：荃灣白田壩街45號南豐紗廠3樓303號舖

電話：2567 8616

【新蒲崗】《思想共鳴》－話不投機半句多

二零二零年十一月十三日

行山過後落到黃大仙，附近黃店唔多，決定去新蒲崗支持同路人。離遠已經見門外有大字報，地方細細但坐得尚算舒適，而小店每個月都會轉menu，相信成日食都唔會悶。

熱伯爵茶

無諗過跟餐會用上原包Twinnings，茶香幼滑，驚喜用心。

脆炸雞軟骨 +$16

無諗過加錢嘅小食都咁大份，雞軟骨新鮮炸起，唧少少檸檬汁，惹味好食。

牛肝菌野菌螺絲粉 $42 (下午茶)

唔想食咁多肉嚟個素食選擇，菇菌份量多，螺絲粉彈牙入味。

Carbonara $42 (下午茶)

火腿煙肉鹹香，汁醬有點多，幸好唔算太creamy所以唔會膩，意粉煮得啱啱好，唔錯。

常言道：話不投機半句多，願大家身邊都係同你思想共鳴嘅人。

《思想共鳴》

地址：新蒲崗寧遠街3-23號越秀廣場地下G01號舖

電話：6175 6118

【青衣】《Wheatfield X 羅宋湯專門店》－果然是招牌！足料濃郁羅宋湯

二零二零年八月十八日

新店開業不久，每次經過也見不少客人在內進食，不過價錢不算太吸引，所以多次經過也過門不入。抗疫自煮得有些沉悶，是晚買點外賣帶來一些新鮮感。

廚師推介套餐 $88
套餐包括一個湯、一個豬仔包和一杯飲品；用快餐店紙盒盛載的香煎咸牛脷脆豬仔包頗為可愛，牛脷不算厚身，煎得香口不過火，肉質軟腍有牛油香，夾有沙律醬、蕃茄和生菜解膩。

健康紅菜頭豬脾肉湯帶濃濃的黑胡椒香，豬脾肉大大塊，還有海量紅菜頭和薯仔作配料，略嫌細碗了一點。

秘製醬油撈麵拼海派羅宋湯 $68
外賣碗有上下隔，分開麵和湯，感覺貼心。醬油撈麵調味剛好，不太油膩，加上面頭炸蒜和青蔥，光吃也惹味。

招牌羅宋湯用料十足，有四五件牛肋條和牛腩，蕃茄的酸、蔬菜的甜加上牛肉的油香，微辣香濃，驚喜滿足！

和家人一致認為會為羅宋湯再臨，見店家還推出了二至三人份量的湯包，抗疫期間安在家中也嚐到好滋味，很是吸引:9

《Wheatfield X 羅宋湯專門店》
地址：青衣青敬路33號青衣城1期地下G26-27號舖
電話：2679 3188