二零一九年十二月十五日
早上和朋友們行過獅子山，見時間尚早，順道到深水埗買少許應節裝飾。購物前先醫肚，找來西九龍對面、對正警署的饗車仔麵；小店有米豬蓮認證，店內海量文宣，之前催淚彈放題後更關門徹底清潔，感覺視食客健康為首要考慮。
溏心蛋豬軟骨米粉 $30
選了兩個自家製配料，醉溏心蛋滑溜濃郁，豬軟骨入味軟稔，加上惹味秘製辣汁，在不知不覺間完食。
小店坐位不多人手緊拙，排隊等候都需要一些耐性；說實話味道驚為天人算不上，但以這價錢實在享用到又美味又飽肚的麵食，滿足矣。
《饗 車仔麵》
地址：深水埗基隆街391號地下
電話：2985 6777
二零一九年六月十九日
上回提到我哋去完Parc Guell先係九點半，班友已餓到半條人命咁好誇張XD 拿拿臨搵左一間地道小餐館醫肚去。
間舖頭相當有歷史，一入到去就係個水吧咁嘅開放式廚房，暗暗地之餘仲係企喺度食，感覺好地道。指手劃腳一輪之後得到熱辣辣嘅包兩個，炸腸、芝士各一碟，見隔離兩公婆嚟食個茶記早餐都要開支CAVA，我地當然要入鄉隨俗，實行由朝飲到晚。
舖頭後面間左一細個地方賣罐頭雜貨，好多西班牙Tapas名物如橄欖、醃海洋等都有售，而食過佢啲腸覺得好味可以即刻買，兩條四條咁真空俾你，價錢相宜，帶到返香港煎返嚟食一樣咁正。
飽食完一輪終於有返啲體力，向著名嘅海邊進發！
