🌺Aloha Hawaii🌺 -火山國家公園 Hawaii Volcanoes National Park

二零一七年十月二十二日
 
環島遊嚟到第三站：火山國家公園，嚟之前無諗過會睇火山，亦唔知睇火山應該會係點，揸左個幾鐘車過嚟，每架車入場費USD25，七日之內無限入場，有時間嚟個深度遊都算抵。

 
去到首先入Visitor Center拎啲基本單張，就住唔同遊覽時間佢都會有啲建議路線俾你，或者邊啲景點睇啱都可以自由選擇。

 
之前上網睇到有啲Tour直情會睇到流動嘅岩漿，不過要預成日我地無咁多時間只好作罷。一場嚟到點都要四圍行下，落去地面凹凸不平、滿目瘡痍，以為自己拍緊咩災難片，以為會寸草不生啦但原來又唔係，地下仲有有啲窿會不時噴下煙，好過癮。

 
天氣好點影啲相都咁靚，可惜時間無多，玩到咁上下要走人嚕。