二零二一年一月二日
十年前去美國交流時第一次接觸bagel，輕輕一烘、搽一層薄薄cream cheese，簡單沒花巧，卻令人回味無窮。大抵我愛bagel嘅形象太深入民心，良久沒見的好友為我送上兩個生日貝果，確是既驚且喜，心裡好溫暖。
Plain bagel
翻熱時傳來一陣純粹嘅麵包香，切開就知唔係bagel口感，我會形容係佢為好食嘅歐式麵包，皮厚身脆口，扯住咁食，用來做貝果堡更討喜。
Cheese bagel
芝士望落好多但香氣淡，唔濃(好處係唔油)之餘亦較乾，同原味一樣口感都係似歐式包，相比下原味更勝一籌。
吃過好友心意後念念不忘，某日有機會到大坑，順道去舖頭潮聖。小店因疫情每次只容納兩個客人(不過地方淺窄，多一兩個人也會太擁擠)；當日新鮮焗起的pastry蛋糕皆放在一張細檯上，想要那款就直接告知店員。
Canele $35
可麗露又名「天使之鈴」，因製作繁複關係，香港少見。幸運地買到櫥窗內最後一件，拎上手的的骰骰，感覺珍貴。一咬落去外脆內軟，帶滿滿焦糖同雲呢拿香，驚喜好食，唔捨得食完。
成個體驗令我不禁諗起那年在巴黎狂啃法包朱古力牛角酥嘅日子，街頭上大大小小嘅麵包店時時傳來陣陣香氣，產品琳琅滿目，噢好懷念。
《Plumcot》
地址：大坑新村街10A號地舖
電話：2573 6293
沒有留言:
張貼留言