二零二一年九月十三日
之前小店喺逸東明明近在咫尺，卻成日被其他店舖吸引，估唔到搬去咗新蒲崗先有機會幫襯。小店裝潢簡單，以半自助形式落單，點菜後坐定定就有得食。
三品日常定食 $100
信田卷入面有紅蘿蔔、豆角同粟米芯，外面用腐皮包住，有少少日式醬油味；蘿蔔冬菇車麩關東煮，餸菜全部入味鮮味，加上旁邊嘅柚子胡椒醬畫龍點睛；赤味噌田樂豆腐豆味濃，味道相對普通。
定食包麥茶同一碗五穀雜炊飯，女仔剛好夠飽，食完感覺無負擔，同好友出發去試姐妹裙嚕！
《MUM 日常野菜料理》
地址：新蒲崗仁愛街34號地下B號舖
電話：從缺
沒有留言:
張貼留言