〖法葡瑞〗-TAP Air Portugal葡萄牙國家航空公司

二零二二年三月六日

由巴黎飛葡萄牙的機票選擇很多，便宜只一百多的都有，不過時間多數超早/超晚，也要到好偏遠的BVA機場，衡量過後還是多付一點搭葡萄牙航空，可以在家附近的ORY機場出發，減輕不必要的心理壓力。

我們比起飛時間早一個多小時到機場，做完安檢行到閘口都差不多可以上機。閘口排隊指示不足，情況有一點混亂；可能因有小孩的關係，機組人員offer我們行李寄倉，能騰空雙手也算不錯，十分窩心。

第一次乘搭TAP Air Portugal，航班來回都沒有誤點，飛機升降尚算穩定；出發前三星期購買機票，可以帶一件手提行李，大約六百元一個人，滿意了。

〖法葡瑞〗土耳其航空初體驗(上)

二零二二年二月二十六日

因有要事必須飛歐洲一趟，撞正香港第五波疫情高峰時出發，心裡非常之唔踏實：驚中招驚強檢驚圍封，仲要三日唔埋兩日又有啲「消息傳聞」，一日未起飛一日都未能放下心頭大石。出發前兩星期甚至盡量少外出避見朋友，怕增加染病風險，不過後來發現法國連入境檢測都唔使做，又放鬆少少哈哈。

疫情關係得返好少歐洲航班，一係阿聯酋一係土耳其航空，價錢相若但土耳其係凌晨機比較啱我心水，四千蚊左右就飛到法國。

出發當日預早三個半鐘去到機場，離遠已見滿滿人龍，心裡一沉，本來仲奢望有機會可以自己獨佔一行，網上check in仲篤左個中間位添:o) 排到櫃位多口問一句有無窗口位，哥哥好好人的offer咗emergency exit seat俾我，雖然我只係一個哈比人，但可以伸展下隻腳感覺都非常良好。

第一次搭土耳其航空，飛機感覺較舊，電影唔太吸引，整體機上娛樂一般；食物方面只淺嚐了少許早餐，味道不過不失；另外唔知係咪咁啱得咁橋，serve我嗰幾行嘅空中服務員唔算好friendly，隔住口閘都感受到佢唔想撈嘅氣場XP 

十個鐘之後去到伊斯坦堡轉機，個機場好大好靚，五光十色，憑passport登記有半個鐘免費wifi，落機行一行又再上機，三個鐘頭好快過，巴黎我終於來了！

【筲箕灣】《珍意泰國菜館》-街坊小店

 二零二二年五月六日

除了郊遊以外幾乎無機會去筲箕灣，行到東大街見好多間餐廳都好吸引，不過一早已鎖定目標，靠住意志力去到街尾的珍意。

小店招牌大大個，入到去格局既像粉麵檔又像茶餐廳，人來人往，熱鬧受歡迎。

海南雞飯 $52 (lunch)

雞肉份量足夠嫩滑，飯夠油香，仲有三舊雞紅，入味唔會腥，好特別。

泰式鮮蝦炒金邊粉 $58 (lunch)

每次食泰國嘢都會心思思想叫pad thai，依度嘅炒得尚算乾身，惹味大碟。

特登嚟未必，作為街坊小店倒值得支持。

《珍意泰國菜館》

地址：筲箕灣筲箕灣東大街39號地舖

電話：3178 1333