【油麻地】《Ocio》－苦中一點甜

二零一九年十一月十九日

近數星期以來發生的事一件比一件荒謬，一件比一件令人痛心，心情難以釋懷，但日子還是要過，照顧好自己重新上路是必需要做的事。好不容易熬過烽煙四起的一週，和好友見個面抒發一下情緒。

選來大家公司附近的西餐廳，小店早期以窩夫聞名，對其鍵盤造型印象尤其深刻；長身舖位大約能容納四十人，牆上有帶童話風格的貼圖裝飾，溫馨可愛。

忌廉粟米湯 (Set)
罐頭粟米香甜，味道不過不失，溫度夠熱有加分。

紅酒汁牛脷燴意大利粉 $89
四大片牛舌面頭煎得焦香，咬下軟稔，有濃濃的牛舌獨特的香氣；而意大利粉煮得彈牙，加上雜菌和彩椒，冒煙的新鮮熱辣，討喜。

香烤美國安格斯牛翼板肉8oz配薯條 $138
印象中沒吃過這部位，切開顏色粉嫩，油脂甘香、牛味濃郁，薯條炸得香脆，百多元交足貨。

朱古力布朗尼窩夫 $68
窩夫質地偏厚實，超級飽肚，不是我最喜愛的類型；布朗尼反而有點驚喜，朱古力味香濃之餘又不甜膩，合桃多有果仁香，配著有朱古力碎的雪糕同吃好合襯。

店員態度良好，連兩杯飲品，人均消費百餘，算是苦中一點甜。

《Ocio》
地址：旺角煙廠街39號
電話：2886 8903

【太子】《青花亭》－不作浮塵

二零一九年十月四日

自從有黃色經濟圈的出現以後，才拾回少少的消費動力。是日和好友慶生，選來早有發聲的小店，店外擺放了文宣和紙鶴，立場鮮明。

周五七時多來到幾乎全場滿座，藍白的小店樓高兩層，光線足，餐具餐盤甚有質感。

洋蔥湯 (set)
深褐色的洋蔥湯有著濃濃的牛骨味，洋蔥絲又軟又甜。

水牛城雞翼配藍芝士醬 $48
單骨雞翼八件，吃起來比較方便，雞翼炸得香口，混上甜酸微辣的醬汁好惹味。

黑松露薯條 $52
幼身薯條金黃香脆，略油，幸而黑松露味道香，加上面頭的蛋黃醬，錯不了。

明太子貓耳朵粉 $188 (set)
點菜時店員告知三文魚籽售罄，價錢會平$20(但之後埋單沒減我們也沒為意哈哈)。貓耳朵粉煙韌，忌廉汁做得香濃出色，平日不太愛吃白醬的我也添了又添。

南瓜蟹肉意大利飯 $158 (set)
意大利飯煮得不軟不硬，成品雖帶橙黃色，但南瓜味淡，吃到最後好友提起才意會。面頭的蟹肉份量下得絕不手軟，味帶鮮甜質素不錯。

香煎刺身級挪威三文魚 $228 (set)
擺盤看來花過心思，三文魚油份足，煎得剛熟嫩滑，伴菜有金黃的薯仔和樣子像剛由田採摘上來，美味可愛。

整體食物和服務質素佳，吃飯途中會無故加插不同歌曲，店員和食客們都同聲同氣令人感到額外溫暖。前路滿怖荊棘，但願可以齊上齊落，打造一個更美好的香港。

《青花亭》
地址：旺角荔枝角道113號
電話：3590 3457

〖巴塞隆拿。觀光〗《Bouquet de Alella》－踩單車、品酒、野餐，一次過滿足你三個願望

二零一九年六月二十日

同幾個朋友都係好酒之徒，咁啱喺Air B&B網頁見到有啲Wine Tour可以參加，幾舊水由朝玩到晚，好似幾過癮，問完大家意見就報名。只需要輸入日期、人數、名就俾錢，之後會收到確認電郵，個host可能會聯絡下你，無亦唔需要擔心，主動同佢傾談下亦可。

當日九點鐘準時去到meet up point，去到先知原來係一間旅行社承辦，我地參加嘅係單車品酒之旅，當日只得我地幾個包團，想幾時停就停又唔使等人，諗返都覺得好幸運。

戴好頭盔拎左單車，導遊首先帶我地去空地度略作練習。因為係電動單車嘅關係，初初踩真係好唔慣，因每大力踩一下都會有被人推嘅感覺，不過踩踩下就覺得幾正，唔使力咁就會向前標，好過癮！

不過估唔到我地最adventurous嘅朋友居然最淆叫苦連天，包底喺後面睇到我一額汗，仲要俾佢呼喝，我覺得自己真係真朋友XD

一路沿住海邊踩，景色優美怡人，唔太曬唔太熱，一眨眼就踩咗兩個鐘頭去到目的地。抵達前我地喺市集度略行一趟，頭一轉A已經自己買左杯啤酒坐喺度嘆緊，最後買咗少少chips、橄欖同蛋糕仔就再出發。

酒莊屬家族經營，近幾年靠後代搞返起，所以產量唔多地方亦唔大，但保養得宜，居高臨下望返落個市鎮好正。

試左兩紅兩白，品酒師教我地試酒時可以觀其色、嗅其味，再分析下個味道，帶花香？果香？Earthy？可以分左大類之後再細味當中不同。

話雖如此，我自己就未至於去到依個境界，況且口味好個人，只覺得四支都係屬於相對易入口款式，加上鄺神逗號logo加持，一場嚟到都買返兩支先走。

 

個tour仲包一個light lunch，係喺酒莊度picnic，食地道嘅蕃茄包加cheese同ham，自己落手落腳做特別好味，可以食住嘢飲住酒聽住歌望住咁靚嘅景，仲有一班好友喺隔離一齊享受，夫復何求？

最後我地踩返車落車站搭火車返Barcelona，大約四點半完成旅程。總結成個tour輕鬆愉快，比起一般坐車去到目的地有更多involvement同睇到更多，導遊亦會照顧我地需要，搞到我都心思思想自己搞個香港experience XD

【長沙灣】《元州牛肉麵》－抵食美味、暖在心頭

二零一九年十月二十一日

從前我極少乘巴士，嫌它時間長、路面情況難預料，但近日生活習慣改變，慢慢開始懂得它的美，有時能放慢腳步欣賞沿途風景，亦是另一番滋味。

是日繼續努力將黃色經濟圈融入生活，來到長沙灣一間小店。小店以前是賣漢堡的，今年年中才轉做牛肉麵；地方小小，檯凳排得密，能容納二十人左右。

招牌元洲牛肉麵$40
用藍白碗盛上感覺精緻吸引，湯底帶藥材香，三大件牛𦟌肉味濃、肉質鬆軟不痴牙，粗麵滑身微韌，份量多又熱辣辣，無期望底下確是驚喜。

平日出去食牛肉麵最基本普通的都要五六十塊，這裡平一大截之餘還要用心高質，值得支持。

《元洲牛肉麵》
地址：長沙灣元州街498號青華閣地下I號舖
電話：5225 4332

【青衣】《鬍鬚仔》－禾稈冚珍珠！高質即製漢堡

二零一九年十月二十日

除罷搭黨鐵外，旗下商場我都盡量少幫襯，今次找來屋企附近一間良心漢堡店，略盡綿力支持一下。小店位於街市內，平日直行直過沒多留意，周日午飯時間來到，見店員們密密做到無停手，本來店前有數個堂食空位，不過人來人往好擠逼，拿著外賣去海傍吹著海風更寫意。

墨西哥脆雞堡$36
小食、漢堡、熱狗選擇十餘項，一場來到當然要點其最拿手的。漢堡即點即製，等了大約十五至二十分鐘才到手。包身用鐵板烘過微暖，雞扒外露大大件，脆漿酥脆鬆化，咬下肉汁多之餘居然毫無膩感，加上蕃茄、芝士、生菜和墨西哥辣椒等，口感極豐富，大滿足。

下單前一點也不餓，所以連薯條也沒加配，怎料在沒期望底下吃到如此驚喜高質的漢堡，實在太開心，以後想吃美味漢堡也容易多了！

《鬍鬚仔》
地址：青衣擔桿山路6號長發廣場地下青衣市場2號鋪
電話：6763 2308