食完早餐慢慢散步出海灘，藍天白雲，望出去一望無際嘅大海同延綿嘅海岸線，心情極度舒暢，的確幾正。沙灘附近有好多地攤，賣紀念品、太陽眼鏡、A貨手袋、波鞋等等，仲有大大幅五顏六色好多pattern嘅沙灘布，望落壯觀。
雖然啱啱食飽，但都冇理由兩手fing fing，同好友們喺附近超市買咗幾支啤酒少少薯片，再喺隨便搵個位曬太陽望下其他人chill下。
嚟到西班牙，梗係要食返餐海鮮飯先似樣，搵咗間喺沙灘隔離好出名嘅舖頭，受歡迎程度係兩點幾去到都仲要等成個鐘，不過可以喺佢姐妹店飲住嘢等。
嗌咗幾個前菜同小食share，海鮮飯勁大碟，味道已經唔太記得LOL 係幾鮮味，望住依個景，成個氛圍都係正嘅！
玩到四點幾返去，費事再落街，決定買少少嘢返Air b&b整嚟食，有火腿蜜瓜、芝士、nuts，重有對佢哋好重要但最後好似冇飲到嘅湯。
作狀如我當然有少少擺盤，加埋本身Air b&b嘅裝飾好似去咗啲好authentic嘅印度餐廳咁，好開心滿意:D
飲飽食醉，睡公主要瞓覺了AHAHAHAHA
沒有留言:
張貼留言