熟悉巴塞嘅朋友們不約而同介紹我吔去依個food hall，離遠見到棟嘢已經心心眼，係充滿少女味道嘅粉橙色，加埋藍天背景真係令人心花怒放！
行入去成個花園咁，四圍都係大大小小不同嘅植物，樓底極高，頂頭用上玻璃採光力十足，成個氛圍好令人放鬆。
揀咗間食Tapas同飲啤酒嘅，去到邊都必叫炸薯仔，香脆薯味濃，好好食；另外croquette同chorizo都係西班牙名物，送酒一流。
海鮮飯同炸飯波惹味，後尾加咗盤海鮮，都算鮮味不過就比較普通。
叫咗四杯酒一杯咖啡，埋單大約93歐，真係平到笑，唔叫盤35歐海鮮仲抵！喺度飲飲食食可以唔睇價錢成個富豪咁真係好正哈哈哈。
沒有留言:
張貼留言