放假日子樂得自在，朝早首先睇場《手捲煙》，然後去食傳說中香港第一嘅沙嗲牛肉麵，散步途經關注咗好耐嘅咖啡店驚見無人排隊，明明唔肚餓都照入去坐下。
小店裝潢以黑白兩色為主調，轉角位一邊全部用上玻璃牆身，採光度十足，有少少花花草草做裝飾，檯與檯之間唔算太逼，令人感覺舒服放鬆。
竹炭糯米窩夫配自家製牛奶雪條 $96
四件窩夫有著黑色外貌，唔係走外脆內軟路線，食落有少少煙韌，微甜有蛋香，伴隨嘅牛奶雪條冰感重，有奶味不過不算幼滑，而打發忌廉香濃，比起雪糕更得我歡心。
《Contrast》
地址：長沙灣福榮街512-518號依時大廈地舖
電話：2337 7220
沒有留言:
張貼留言