【試食報告】期間限定：芝士奶蓋烏龍茶甜筒

二零一八年八月二十四日

近來啲台式飲品又興返真係估佢唔到，仲記得當年第一次飲貢茶嘅奶蓋係幾咁驚為天人，每次補習都整一杯珍珠奶杯真係好爽！

一直都欣賞啲公司會與時並進，雀巢連甜筒口味都追上潮流，真係要俾返個Credit佢哋個R&D Dept哈哈！喺網上見到啲報導已經好想試，不過行左兩間七仔都搵唔到，點知第二日同事就買左返嚟勁開心！

 

芝士奶蓋烏龍茶甜筒$11@

上面層奶蓋有淡淡清香嘅忌廉芝士味，下面係芝士同茶味扭紋，茶味唔算香濃，而個威化筒異常脆富牛油香，總括嚟講都幾驚喜好食，試得過啊！

 

各大超級市場或便利店有售