〖巴塞隆拿〗-後記：期待再聚，珍重

二零二一年八月三十日

過去兩年發生太多事，大家都無諗過自己嘅人生會行到依一步，如果有人話我知依個只係一個惡夢有多好。

對於好友們離港，之前一直處於唔相信/唔接受狀態，始終覺得我哋仲有好多時間，好容易可以見面。然後日子一天天過去，有一日我突然醒覺：啊！原來係真㗎！一個歐洲一個美洲一個大洋洲，唔敢想像可以再次相聚嘅日子係會幾遙遠。

依家終於明白點解啲姐姐咁鍾意喺街度FaceTime，當你無辦法底下真係會唔理旁人目光，隔住個Mon都要把握機會見個面。

趁住好友離港前夕，下決心要將我哋上次旅行嘅遊記寫返出嚟，當係送俾大家嘅一份禮物，人在外地時諗起，懷緬一下都開心。一邊打一邊睇返啲相，回憶返返晒嚟，期待我哋下次紐西蘭之旅。珍重。