〖巴塞隆拿。美食〗《OHLA Rooftop》 - 俯視巴塞美景喝一杯

二零一九年六月二十日

食完麻麻地嘅晚餐之後，尾二一晚決定要搵間吧坐下輕鬆下（話說成個旅程有邊一刻唔係輕鬆緊XD）！

上網搵咗一間酒店內嘅酒吧，剛好安排到角落梳化位，雖然賣點係Rooftop Bar，但同高樓大廈林立嘅香港比，相信唔少香港人自己屋企都高過佢，係叫做無遮無掩仍是Chill。

夏天歐遊有一個好處，就係日照時間長，食完飯上到嚟都仲見到落日晚霞，成件事浪漫不少。

酒店泳池同樣係頂樓，佢有一半係透明的，我哋研究咗好耐如果有人喺度游水都幾尷尬。

印象中消費相對巴塞其他地方貴，當香港價錢埋單～Enjoy完返Air B&B休息，第二日去隔離市鎮郊遊去。