好友新居入伙，探望佢前先醫肚。星期六下晝兩點三去到，無食嘢情況下等咗一個鐘，附近又無商場，大熱天時都幾辛苦。
煙三文魚芝士滑蛋盒子吐司 $65
多士烘得香脆，有牛油香，蛋炒得滑溜，加上不過鹹嘅煙三文魚同蜜糖芥末汁，口感豐富，食得滿足。
香蒜黑松露雜菌拉絲芝士滑蛋盒子吐司 $65
吐司端上之際黑松露味已湧出，菇菌有蒜香，多士同樣高質；另外配上嘅洋蔥圈雖然只得兩件，但炸得香脆，過下口癮。
食物品質的確唔錯又唔算貴，都想一試其招牌甜吐司，有機會再嚟。
《E For Egg》
地址：大圍城河道19-25號城河樓地舖
電話：5347 0262
沒有留言:
張貼留言