〖台北〗四日三夜，出走放鬆食買行

二零一七年十一月二十五日

[心血來潮想打返上年快閃台北之旅，留個紀念]

我成日都話，讀大學、住宿舍，係人生其中一段最美好嘅光景。雖然有啲人無緣份一齊走得更遠，但係彼此有過開心嘅回憶係不可取代，而當中嘅經歷亦成就左今日嘅我。

好好彩遇到一個夾嘅同房，住埋一齊三年互相照顧；之前講左好幾年話不如一齊去旅行，但一直讀書做嘢各有各忙夾唔到時間，今次終於成行，兩條友近近地去台北玩返轉！

旅程重點係出走放鬆，搭朝早九點幾機，咁啱國泰短途開始提供返熱食，而打開居然係一盒熱辣辣嘅叉燒飯搭條菜心，無食早餐嘅我表示開心！個零鐘機程水都未吹完就到左，落機後幾班機嘅人一齊排隊入境，搞搞下都左成大半個鐘。

相信我地件行李喺條輪送帶上面已經轉左十萬九千轉，而條行李帶咁樣樣佢都搵到我地件行李，就知我地嚟緊幾日行程會係可其順利hahahaha Yeah！