出發前兩人興致勃勃話要食麻辣火鍋，但三日以來幾乎無一刻係餓過，食到有啲滯，去完淡水決定skip個正餐，直接去夜市掃街。
台北夜市唔少，上網一查已經有好多「台北十大必去夜市」、「台北夜市美食推薦」、「台北夜市交通整理」等等嘅文章，除左大家熟悉嘅士林/師大/寧夏，今次揀左松山區嘅饒河夜市，成條街左右兩邊都好多嘢食，賣嘢嘅就相對較少。
由捷運站行過去大約十分鐘嘅距離，去夜市最開心就係可以見到咩就買咩，每樣試少少，啱曬心多多嘅我地。
兩個女仔唔食得多，只可以小心翼翼行事，最後食左大阪燒/炸雜菇/藥燉排骨/芋包芋/胡椒餅/木瓜奶/一芳，全部都唔錯但又未至於要再食嘅感覺。
食飽行埋出去彩虹橋附近散步，吹住晚風係幾浪漫哈哈；一眨眼就嚟到最後一晚，唔捨得*^*
饒河街觀光夜市
地址：台北市松山區饒河街
沒有留言:
張貼留言