【旺角】《炎天丼》－天婦羅丼專門店

二零一八年三月日

香港專門做天婦羅的店舖確是少之又少，要不站不穩住腳，要不貴到令人卻步，這家總店在大埔經營時已留意到，不過山長水遠，無事實在提不起勁入去，現在開到旺角實在方便。

天婦羅海鮮丼$78
第一次到來必試招牌，有一隻蝦兩件魷魚一條蟹柳一件蓮藕一件茄子一棵菜心苗和一隻流心蛋；天婦羅新鮮炸起不油膩，食到尾段仍然酥脆，整體來說幾有驚喜，喜歡炸物的可以一試。

地址：旺角通菜街23號地下
電話：2388 2887

🌺Aloha Hawaii🌺 -後記：To the sweetest person on earth

二零一七年十月二十八日

夏威夷遊記好好醜醜都叫做打曬，喺度一定要多謝同高度讚揚一齊去嘅旅伴。需知道要搵一個夾嘅人去旅行好唔容易，話就話同佢識左十年，但要對足二十四小時又另外一回事！

好彩八日七夜瞓埋同一張床無嗌過交，兩個咁9嘅人一齊，7事一發不可收拾，日日都笑到肚痛，係近大半年最放鬆開心嘅日子！

廢人如我唔識揸車又唔識睇地圖，一上車就淨係喺度un un腳食薯片(題外話：Lays BBQ勁好食)，辛苦曬優秀嘅你！!

最後返到嚟仲要送埋啲咁sweet嘅嘢俾我，搞到我喺地鐵又喊又笑，唔講連我自己都以為同你拍緊拖呀！所有回憶在心中，特此一記！希望將來睇返依啲遊記都可以令你回心微笑，愛你多謝你。