【試食報告】霸氣厚身：Vion Sweet & Smoky 豬鞍

二零二零年四月二十六日

出去食飯見到豬鞍有時都會叫嚟食，因為自己比較少整，平時連豬排都整得嚡，豬鞍咁厚應該駕馭不了。

某日喺HKTVMall買嘢依盒有追加優惠，之前喺AEON見個樣幾霸氣已經想試，有好多口味選擇，最後㨂咗最穩陣又大眾化嘅BBQ味。

根據包裝指示先煎香兩面，佢表面有海量醃料，好容易煎燶，已經細火同不停反都黑曬，要剪走啲燶先可以繼續下一步。封鎖表面肉汁後就可以入焗爐，160度焗45分鐘。

萬眾期待，切開唔算話好多汁，食落少少嚡但絕對可接受，肉質肉味都唔錯，唔會太鹹，調味重parika香料味。

無伏，但烹調時間頗長，未至於好食到要再買。購自HKTVMall，追加優惠$69.9。