近來疫情稍有緩和，有感要同疫症搵個平衡點共存，開始重拾正常生活。數數手指有近四、五個月無睇過戲，是日放鬆下揀咗套日本小品，順便喺附近食黃店。
小店地方寬敞明亮，淺木色系家具、草綠色牆身、黃色柔和燈光，加上用具擺放整齊令人感覺良好，坐得舒服。(圖為推行防疫措施前拍攝)
照燒雞扒丼 $62
鍾意雞扒燒得乾身，雞皮薄身無多餘肥膏，燒到卜卜脆，平時少食皮都忍唔住咬兩啖。
天婦羅定食 $78
天婦羅即叫即炸，要等大約二十分鐘。兩隻蝦蝦肉鮮甜，四件蔬菜有冬菇、南瓜、茄子同青椒，炸漿薄脆鬆化，無油膩感。
月見豚肉丼 $68
本來以為係輕煎肉片，嚟到原來係洋蔥炒豬腩，有點期望落差。將蛋拌勻一齊食，洋蔥香甜、豬肉甘香，飯餸比例有成一比一，實在大方。
本來以為係輕煎肉片，嚟到原來係洋蔥炒豬腩，有點期望落差。將蛋拌勻一齊食，洋蔥香甜、豬肉甘香，飯餸比例有成一比一，實在大方。
幾個月無食，水準依舊高質，午市兩點至三點更有八五折，值得一試。
《活水和風食堂》
地址：長沙灣福華街571號曉悅地下3號舖
電話：2318 1318
沒有留言:
張貼留言