高中畢業剛好滿十個年頭，每次講返諗返嗰段日子都會由心笑出嚟，無論係知識、大學入場卷，定係做人處事、待人接物態度，學到嘅畢生受用，最最最重要係識到一班摰友，依一樣係最寶貴又無可替代。
其中一個好友上年去咗西班牙讀書，幾個同學喺佢嘅結婚派對上講起到時不如一齊去搵佢玩，本來諗住只係講講下，點知真係成事，實在極難得*^* 人大左有好多唔同priorities，不過好多時好多事都係睇你願唔願意去做。
(依張純粹覺得Uncle好型想post)
上一次一齊出走已經係四年前花蓮之旅，我地旅行走輕鬆無壓力路線，唔會趕景點唔會趕時間，一切皆隨緣，去唔去到某一特定地方其實並唔重要，最緊要享受當下、舒服開心。
幾經輾轉，有機票、有瓦遮頭，帶住興奮熱切嘅心情出發！Barcelona here we come！
沒有留言:
張貼留言